Kajajiyang 49

49:1 Nainappa naobbi Yakub ana’-ana’na sibawa makkeda, “Addeppungenno kuwaé, ri seddéku. Maéloka paissengiko aga iya mupéneddingiyé matu ri esso mangoloé:
49:2 Addeppungenno, éh ana’-ana’ Yakub. Engkalingai Israél, ambo’mu.
49:3 Rubén, ana’ku macowaé, iko ritu awatangekku, buwa bunge’ abaraningekku. Iko pobbarani sibawa pommawatang ri yelle’na sininna ana’ku.
49:4 Magampakko taggottang pada-pada uwai, angkanna tenniya iya mapongngé; saba’ matinroko sibawa gundi’ku, mucarépaiwi onrong atinronna ambo’mu.
49:5 Siméon sibawa Léwi massilessureng; senjatana mennang napaké awatangeng.
49:6 Dé’ umaélo maccowé ri laleng assipekkekenna mennang, makkuwatoro ri laleng addeppungenna mennang. Saba’ paunoi mennang ri laleng caié, képoi banténgngé untu’ asennangeng.
49:7 Tattanroi caina mennang, nasaba serona. Tattanroi caina mennang, nasaba abeccokenna. Upassara-sarangngi matu mennang, ri sininna Israélié. Uwassiyamporengngi matu mennang ri yelle’na sininna bangsaé.
49:8 Yéhuda, muwanrekké’i matu cekkonna balimmu; mappojiwi matu silessu-silessuremmu sibawa suju’ ri yolomu.
49:9 Yéhuda pada-padai singa loloé; naunoi anréna, nainappa lisu ri saranna; makkailii nainappa léwu, nadé’ séddi tau barani rukkai.
49:10 Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, *Bangsa-bangsaé pakkasuwiyang, naullé iyaro bettuwanna.* enrengngé suju’ sibawa tunru ri yolona.
49:11 Nassiyorengngi matu ana’ kaleddé’na ri ajué, pong anggoro iya kaminang makessingngé. Nabissaiwi pakéyanna sibawa anggoro, anggoro siccella’é daraé.
49:12 Macella’i matanna nasaba ménungngi anggoro, maputéi isinna nasaba ménungngi dadi. *Macella’i … dadi; iyaré’ga lebbi macella’i matanna naiya anggoro’é; isinna lebbi maputéi naiya dadi’é.*
49:13 Monroi matu Zébulon ri wiring tasi’é; soréi matu kappala-kappala’é ri wirinna; lettu ri Sidon pakkasésénna daérana.
49:14 Iyaro Isakhar pada-padai kaleddé mawatangngé iya mallekkué ri yelle’na baka tékéna.
49:15 Naitani pékkugi kessinna iyaro onrongngé sibawa pékkugi gellona iyaro wanuwaé, nabbukku’na macenning ripattékéri, sibawa ripassa majjama selaku ata.
49:16 Iko Dan, muwadélékiwi matu bangsamu, mancajiko pada-pada suku laingngé ri Israélié.
49:17 Pada-padako ulaé ri wiring lalengngé, ula mamosoé ri wiring lorongngé, iya pitto’éngngi amputuna anyarangngé angkanna tallitta pakkinnyaranna.
49:18 Oh PUWANG, asalamakeng iya Muwabbéréyangngé, iyanaro utajet-tajeng.
49:19 Gad, nagasako matu parampo’é, iyakiya balé’ko matu rampo’i mennang.
49:20 Asyer, inanrému maona namakessing. Mupassadiyangengngi matu inanré untu’ sining arungngé.
49:21 Naftali, samanna jonga leppe, magello senna ana’-ana’na. *Naftali … ana’-ana’na; iyaré’ga Naftali pada-pada aju maworongngé sibawa takké-takké iya matakkaé.*
49:22 Yusuf padai kaleddé loloé, kaleddé liya seddéna mata uwai, lari-lari ri émpeng bulué. *Yusuf … émpeng bulué, iyaré’ga Yusuf pada-pada ajué ri mata uwai, pong buwa-buwa iya mallanrangngé ri témbo’é.*
49:23 Maggasai balié sibawa masero, mallellungngi sibawa pana.
49:24 Iyakiya tette’i Yusuf masse taiyyana, *Iyakiya … taiyyana, iyaré’ga iyakiya poloi panana mennang sibawa ancuru, maccabbu’ni ure’-ure’ taiyyana.* tette’i masse panana, nasaba akuwasanna Pakkampi Pommawatangngé, Allataalana Yakub, Pallinrunna Israélié.
49:25 Allataalana ambo’mu tulukko; Iya Pommakuwasaé barakkakiko sibawa bosi polé ri langié enrengngé uwai polé ri yawana tanaé. Sibawa ana’ enrengngé saping,
49:26 gandong sibawa bunga. *Naullé iyaé aya’é bettuwanna: Gandong sibawa bunga; Ibraninna lebbi baraniwi toriyolomu naiya.* Barakka’na Allataalana ambo’mu pakacauriwi asugirenna sining bulu iya macowa senna’é. *Séddi bettuwang mariyoloé: sining bulu iya macowa senna’é; Ibraninna toriyoloku lao ri.* Tennapodo nonnoni sininna barakka’éro ri tompo ulunna Yusuf, ri yasé’na linrona. Aléna ritu dé’ padanna ri yelle’na silessu-silessurenna.
49:27 Bényamin iyanaritu sarigala masekkangngé. Ri éléé natikkengngi anréna. Ri wennié nabagé-bagéi.”
49:28 Iyanaro iya seppulo duwa sukunna Israélié, sibawa ada-ada iya napowadaé ambo’na mennang wettunna mabbéré selleng assarangeng lao ri tungke-tungke mennang.
49:29-30 Nainappa mappaseng Yakub lao ri ana’-ana’na, “Dé’na namaitta ulisu matu pada-pada toriyoloku. Kuburu’ka matti ri seddéna mennang ri laleng gowaé ri Makhpéla, seddé alauna Mamré ri tana Kanaan. Abraham pura melliwi gowaé sibawa dare’é ri seddéna polé ri Efron tau Hét-é untu’ napancaji akkuburukeng.
49:31 Kuwaniro rikuburu Abraham sibawa Sara, Ishak sibawa Ribka; nakkuwatoro ukuburu Léa.
49:32 Dare sibawa gowa iya engkaé kuwaro purani naelli polé ri tau Hét-é. Kuburu’ka kuwaro.”
49:33 Puranana mappaseng Yakub lao ri ana’-ana’na, léwuni, nanamaté.

Advertisements

Leave a comment

Filed under Perjanjian Lama

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s