Kajajiyang 36

36:1 Iyanaé wija-wijanna Esau iya riyasengngétto Edom.
36:2 Kawingngi Esau sibawa tellu makkunrai Kanaan, iyanaritu: Ada, ana’ Elon tau Hét; Oholibama, ana’ Ana sibawa eppona Zibéon *Siyagangngaré bettuwang mariyoloé: “ana’ Zibéon”.* tau Héwi;
36:3 Basmat, ana’ Ismaél sibawa anrinna Nébayot.
36:4 Ada jajiyangngi Elifas, Basmat jajiyangngi Réhuél,
36:5 sibawa Oholibama jajiyangngi Yéus, Yaélam sibawa Korah. Sininna ana’éro jajiwi ri wanuwa Kanaan.
36:6 Nainappa Esau nasalai Yakub nalao ri wanuwa laingngé tiwii sininna bainéna, ana’na sibawa sininna tau iya engkaé ri bolana, silaong sininna olokolo’na enrengngé waramparanna iya nalolongengngé ri Kanaan.
36:7 Massarangngi Esau polé ri Yakub nasaba maéga senna waramparanna mennang angkanna dé’ naulléi mennang sionrong. Nappani paimeng wanuwa iya naonroiyé mennang dé’ nagenne untu’ akkinanréng olokolo’na mennang iya maéga senna’éro.
36:8 Na Esau iya riyasengngétto Edom, mattette’i ri daéra buluna Séir.
36:9 Iyanaé wija-wijanna Esau, néné-nénéna tau Edongngé.
36:10-13 Bainéna Esau iya riyasengngé Ada jajiyangngi séddi ana’ worowané, asenna Elifas. Na Elifas mappunnaiwi lima ana’ worowané, iyanaritu: Téman, Omar, Zéfo, Gaétam sibawa Kénas. Elifas mappunnaiwi gundi, asenna Timna. Jajiyangngi ana’ worowané iya riyasengngé Amalé’. Bainéna Esau iya riyasengngé Basmat jajiyangngi séddi ana’ worowané iya riyasengngé Réhuél. Na Réhuél mappunnaiwi eppa ana’ worowané, iyanaritu: Nahat, Zérah, Syama sibawa Miza.
36:14 Bainéna Esau iya riyasengngé Oholibama, iyanaritu ana’na Ana sibawa eppona Zibéon, *Siyagangngaré bettuwang mariyoloé: “ana’ Zibéon”.* jajiyangngi tellu ana’ worowané, iyanaritu: Yéus, Yaélam sibawa Korah.
36:15 Iyanaé kapalana suku-suku wija-wijanna Esau: Elifas, ana’ macowana Esau, iyanaritu toriyolona suku-suku mangoloéwé: Téman, Omar, Zéfo, Kénas,
36:16 Korah, Gaétam sibawa Amalé’. Iya maneng mennang wija-wijanna Ada, bainéna Esau.
36:17 Réhuél, ana’na Esau, iyanaritu toriyolona suku-suku mangoloéwé: Nahat, Zérah, Syama sibawa Miza. Iya manenna mennang wija-wijanna Basmat, bainéna Esau.
36:18 Suku-suku mangoloéwé iyanaritu wija-wijanna Esau polé ri bainéna iya riyasengngé Oholibama ana’na Ana, iyanaritu: Yéus, Yaélam sibawa Korah.
36:19 Iya manenna sukuéro wija-wijanna Esau.
36:20-21 Pabbanuwa aslinna tana Edom ribagéi iyanaritu suku-suku wija-wijanna Séir, tau Horié. Iyaro suku-sukué iyanaritu: Lotan, Syobal, Zibéon, Ana, Disyon, Ezer sibawa Disyan.
36:22 Lotan iyanaritu toriyolona appanna Hori sibawa Héman. (Lotan mappunnaiwi ana’dara, iyanaritu Timna.)
36:23 Syobal iyanaritu toriyolona appang: Alwan, Manahat, Ebal, Syéfo sibawa Onam.
36:24 Zibéon mappunnaiwi duwa ana’ worowané, iyanaritu Aya sibawa Ana. (Ana iyanaé iya lolongengngéngngi mata-mata uwai pellaé ri padang kessi’é, wettunna nampi kaleddé-kaleddé’na ambo’na.)
36:25-26 Ana iyanaritu ambo’na Disyon, na Disyon toriyolona sining appang: Hémdan, Esyban, Yitran sibawa Kéran. Ana mappunnai towi séddi ana’ makkunrai, asenna Oholibama.
36:27 Ezer toriyolona appang: Bilhan, Zaawan, sibawa Akan.
36:28 Disyan toriyolona appang: Us sibawa Aran.
36:29-30 Iyanaé suku-suku Hori ri wanuwa Edom: Lotan, Syobal, Zibéon, Ana, Disyon, Ezer sibawa Disyan.
36:31-39 Ri wettu dé’napa naengka arung mapparénta ri Israélié, sining mangoloéwé mapparéntai ri tana Edom matturu-turuseng: Béla ana’ Béor polé ri Dinhaba. Yobab ana’ Zéra polé ri Bozra. Husyam polé ri daéra Téman. Hadad ana’ Bédad polé ri Awit (aléna ritu iya cauéngngi tau Midiangngé ri laleng musué ri daéra Moab). Samla polé ri Masréka. Saul polé ri Réhobot ri wiring saloé. Baal-Hanan ana’ Akhbor. Hadar polé ri Pahu (bainéna riyaseng Méhétabeel, ana’ Matréd sibawa eppona Mazahab).
36:40-43 Esau iyanaritu toriyolona suku-suku Edom iya mangoloéwé: Timna, Alwa, Yétet, Oholibama, Ela, Pinon, Kénas, Téman, Mibzar, Magdiél sibawa Iram. Tungke suku mabbéréyangngi asenna lao ri daéra iya naonroiyé.

Advertisements

Leave a comment

Filed under Perjanjian Lama

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s