Abbilangeng 1

1:1 Ri tanggala séddinna uleng duwa ri laleng taung maduwaé nasalainna bangsa Israélié Maséré, mabbicarani PUWANGNGE lao ri Musa ri laleng Kémana PUWANGNGE ri padang kessi Sinai. Adan-Na,
1:2 “Iko sibawa Harun harusu pakangka abbilangeng risininna umma Israélié, situru appang sibawa kaluwargana tungke-tungke. Ebbuni daftar asenna sininna tau worowané,
1:3 iya makkéumuru duwappuloé taung liyasé iya weddingngé mancaji tentara. Harusu’i mennang ridaftar situru pasukanna tungke-tungke.
1:4 Polé ri tungke suku, éllauno séddi pamimping appang untu’ duwakko.”
1:5-16 Iyanaé asenna sining tau iya napilé polé ri umma’é untu’ duwangngi Musa sibawa Harun nenniya iya mancaji pamimpingngé tungke-tungke suku, iyanaritu: Suku ~~ Pamimpinna; Rubén ~~ Elizur ana’ Syédéur; Siméon ~~ Sélumiél ana’ Zurisyadai; Yéhuda ~~ Nahason ana’ Aminadab; Isakhar ~~ Nétaneel ana’ Zuar; Zébulon ~~ Eliab ana’ Hélon; Efraim ~~ Elisama ana’ Amihud; Manasyé ~~ Gamaliél ana’ Pédazur; Bényamin ~~ Abidan ana’ Gidéoni; Dan ~~ Ahiézer ana’ Amisyadai; Asyer ~~ Pagiél ana’ Okhran; Gad ~~ Elyasaf ana’ Réhuél; Naftali ~~ Ahira ana’ Enan;
1:17 Nasibawang bantuwanna iya seppulo duwa tauwéro, Musa sibawa Harun
1:18 suroi sininna umma’é maddeppungeng ri tanggala séddinna uleng duwa, nainappa risusung assossorenna mennang situru sining appanna iya engkaé ri laleng tungke sukunna mennang. Asenna sining tau worowané iya makkéumuru’é duwappulo taung liyasé ricata’i sibawa ribilangngi,
1:19 pada-pada iya napparéntangngé PUWANGNGE. Iya manennaro napogau’i Musa ri padang kessi Sinai.
1:20-46 Sining tau worowané iya makkéumuru’é duwappulo taung liyasé iya weddingngé mancaji tentara, riyokii asenna situru appang sibawa kaluwargana, mappammulai ri Rubén, ana’ macowana Yakub lettu ri Naftali. Jumellana mennang iyanaritu: Suku ~~ Jumella taunna; Rubén ~~46.500; Siméon ~~59.300; Gad ~~45.650; Yéhuda ~~74.600; Isakhar ~~54.400; Zébulon ~~57.400; Efraim ~~40.500; Manasyé ~~32.200; Bényamin ~~35.400; Dan ~~62.700; Asyer ~~41.500; Naftali ~~53.400; ~~ Iya manenna: ~~603.550;
1:47 Sining tau Léwié dé’ nariyoki silaong suku-suku laingngé,
1:48 nasaba purai makkeda PUWANGNGE lao ri Musa,
1:49 “Wettummu mokii asenna sining tau iya weddingngé mancaji tentara, aja’na muwokii suku Léwié.
1:50 Suroi mennang murusu’i Kéma-Ku sibawa sininna paréwanna. Jamanna mennang iyanaritu méssangngi Kéma-Ku sibawa paréwanna enrengngé murusu’i. Harusu’i mennang makkéma mattulilingiwi.
1:51 Rékko létté’ko, iyaro sining tau Léwié harusu’i nabongkara Kéma-Ku, nainappa napasang paimeng ri tungke onrong akkémang iya barué. Ri lainnaé mennang, nigi-nigi maddeppériwi iyaro Kémaé harusu’i rihukkung maté.
1:52 Sining tau Israél laingngé harusu’i patettongngi kémana mennang makkonro-konrong, tungke tau ri laleng konronna tungke-tungke mattulilingiwi bandérana mattungke-tungke.
1:53 Iyakiya sining tau Léwié harusu’i makkéma mattulilingiwi Kéma-Ku. Harusu’i mennang jagaiwi kuwammengngi nadé’ tau maddeppériwi, angkanna nassabari-Ka macai sibawa hukkungngi umma Israélié.”
1:54 Nanapogau’ni tau Israélié sininna iya napparéntangngé PUWANGNGE lao ri Musa.

Advertisements

Leave a comment

Filed under Perjanjian Lama

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s